Abdullah bin Abbas razi Allahu anhuma ne kaha «haba'an manshooran» ke maani jo cheez hawa ura kar laye (gard o ghubar waghaira) . «maddaz-zhilla» se woh waqt murad hai jo tuloo e subah se sooraj nikalne tak hota hai . «sakina» ka maani hamesha . «alayhi daleela» mein «daleelun» se sooraj ka nikalna murad hai . «khilfatan» se yeh matlab hai ke raat ka jo kaam na ho sake woh din ko poora kar sakta hai , din ka jo kaam na ho sake woh raat ko poora kar sakta hai . Aur Imam Hasan Basri ne kaha «qurratu ayun» ka matlab yeh hai ke hamari biwiyon ko aur aulad ko Khuda-parast , apna tabedar bana de . Momin ki aankh ki thandak is se zyada kisi baat mein nahi hoti ke is ka mahboob Allah ki ibadat mein masroof ho . Aur Abdullah bin Abbas razi Allahu anhuma ne kaha «subooran» ke maani halakat kharabi . Auron ne kaha «saeerun» ka lafz muzakkar hai , yeh «tusaru» se nikla hai , «tusaru» aur «idhtiraamun» aag ke khoob sulagne ko kehte hain . «tumla alayhi» is ko parh kar sunayi jati hain yeh «amlaytu» aur «amlaltu» se nikla hai . «ar-rassu» , «kaana» ko kehte hain is ki jama «risaasun» aati hai . «kaana» bamaani «ma'danin ma yu'ba'u» Arab log kehte hain «ma aba'tu bihi shay'an» yani main ne is ki kuch parwa nahi ki . «gharaaman» ke maani halakat aur Mujahid ne kaha «utuwwan» ka maani shararat ke hain aur Sufyan bin Uyaynah ne kaha «aatiyatun» ka maani yeh hai ke us ne khazana-dar farishton ka kehna na suna .

Hum se Abdullah bin Muhammad ne byaan kiya , kaha hum se Yunus bin Muhammad Baghdadi ne byaan kiya , kaha hum se Shayban ne byaan kiya , un se Qatadah ne , kaha hum se Anas bin Malik razi Allahu anhu ne byaan kiya ke ek sahab ne poocha , Ae Allah ke Nabi! Kafir ko Qayamat ke din is ke chehre ke bal kis tarah chalaya jaye ga ? Nabi Karim salla Allahu alaihi wasallam ne farmaya ke Allah jis ne usay is duniya mein do paon par chalaya hai is par qadir hai ke Qayamat ke din is ko is ke chehre ke bal chala de . Qatadah ne kaha yaqeenan hamare Rabb ki izzat ki qasam! Yunhi ho ga .