Hum se Muhammad bin Abdullah Zhuhli ne byaan kiya , kaha hum se Saeed bin Abi Maryam ne byaan kiya , kaha hum ko Mugheerah bin Abdur Rahman ne khabar di , kaha ke mujh se Abu al-Zinad ne byaan kiya , un se Aaraj ne aur un se Abu Hurairah razi Allahu anhu ne ke Rasool Allah salla Allahu alaihi wasallam ne farmaya ke bilashubha Qayamat ke din ek bahut bhaari bhar-kam mota taza shakhs aaye ga lekin woh Allah ke nazdeek machhar ke par ke barabar bhi koi qadr nahi rakkhe ga aur farmaya ke parho «fala nuqeemu lahum yawmal qiyamati waznan» ”Qayamat ke din hum un ka koi wazan na karein ge .“ Is hadees ko Muhammad bin Abdullah ne Yahya bin Bukayr se , unhon ne Mugheerah bin Abdur Rahman se , unhon ne Abu al-Zinad se aisa hi riwayat kiya hai .