Hum se Yahya bin Abdullah Salmi ne byaan kiya , unhon ne kaha hum ko Abdullah bin Mubarak ne khabar di , unhon ne kaha hum ko Jareer bin Hazim ne khabar di , unhon ne kaha ke mujhe Zubayr Ibn Khurrayt ne khabar di , unhein Ikrimah ne aur un se Ibn Abbas razi Allahu anhuma ne byaan kiya ke jab yeh aayat utri «in yakun minkum ishroona sabiroona yaghliboo mi'ataini» ke ”agar tum mein se bees aadmi bhi sabr karne wale hon ge to woh do sau par ghalib aa jayein ge .“ To Musalmanon par sakht guzra kyunke is aayat mein un par yeh farz qarar diya gaya tha ke ek Musalman das kafiron ke muqable se na bhage . Is liye is ke baad takhfeef ki gayi . Aur Allah Ta'ala ne farmaya «al-aana khaffafallahu ankum wa alima anna feekum dhafan fa-in yakun minkum mi'atun sabiratun yaghliboo mi'ataini» ke ”ab Allah ne tum se takhfeef kar di aur maloom kar liya ke tum mein josh ki kami hai . So ab agar tum mein sabr karne wale hon ge to woh do sau par ghalib aa jayein ge .“ Ibn Abbas razi Allahu anhuma ne kaha ke tadaad ki is kami se itni hi Musalmanon ke sabr mein kami ho gayi .