«waleejatun» woh cheez jo kisi doosri cheez ke andar dakhil ki jaye (yahan murad bhedi hai) . «ash-shuqqatu» safar ya door daraz rasta . «khabaalan» ke maani fasad aur «khabaalan» maut ko bhi kehte hain . «wa la taftinni» yani mujh ko mat jharak , mujh par khafa mat ho . «karhan» aur «kurhan» donon ka maani ek hai yani zabardasti na-khushi se . «mud-dakhalan» ghus baithne ka maqam (maslan surang waghaira) . «yajmahoona» daurte jayein . «mu'tafikaatun» yeh «itafakat inqalabat bihal ardu» se nikla hai yani is ki zameen ulat di gayi . «ahwa» yani is ko ek garhay mein dhakel diya . «adnun» ka maani hameshi ke hain . Arab log bolte hain «adantu bi-ardin» yani main is sar zameen mein reh gaya . Is se «madin» ka lafz nikla hai . (jis ka maani sone ya chaandi ya kisi aur dhaat ki kaan ke hain) . «madinu sidqin» . Yani is sar zameen mein jahan sachayi ugti hai . «al-khawalifu» , «khalifun» ki jama hai . «khalifun» woh jo mujh ko chhor kar peeche baith raha . Isi se hai yeh hadees «yakh-lufuhu fil ghabireen» yani jo log mayyit ke baad baqi reh gaye to un mein is ka qaim-maqam ban (yani un ka muhafiz aur nigran ho) . Aur «al-khawalifu» se auratein murad hain is surat mein yeh «yakh-lufuhu» ki jama ho gi (jaise «failatun» ki jama «fawailu» aati hai) . Agar «khalifun» muzakkar ki jama ho to yeh «shaaz» ho gi aise muzakkar ki zaban e Arab mein do hi «jama» aati hain jaise «farisun» aur «fawarisun» aur «halikun» aur «hawaliku» . «al-khayratu» , «khayratun» ki jama hai . Yani naikiyaan bhalaiyaan . «murja'oona» dheel mein diye gaye . «ash-shafa» kehte hain «shafeerun» ko yani kinara . «al-jurufu» woh zameen jo nadi naalon ke bahao se khud jati hai . «haarin» girne wali isi se hai «tahawwaratil birru» yani kunway gir gaya . «la-awwaahun» yani Khuda ke khauf se aur darr se aah o zari karne wala jaise shair ( «mushqibu abdee») kehta hai .

Ibn Abbas razi Allahu anhuma ne kaha ke «uzhunun» is shakhs ko kehte hain jo har baat sun le is par yaqeen kar le «tutahhiruhum» aur «tuzakkeehim biha» ke ek maani hain . Quran Majeed mein aise mutaradif alfaz bahut hain . «az-zakatu» ke maani bandagi aur ikhlas ke hain . «la yutoona-zzakata» ke maani yeh ke kalma «la ilaha illallah» ki gawahi nahi dete . «yudahoona» ay «yushabihoona» yani agle kafiron ki si baat karte hain .

Hum se Abu al-Waleed Hisham bin Abdul Malik ne byaan kiya , kaha hum se Shubah ne byaan kiya , un se Abu Ishaq ne ke main ne Bara bin Azib razi Allahu anhu se suna . Unhon ne kaha ke sab se aakhir mein yeh aayat nazil hui thi «yastaftoonaka qulillahu yuftikum fil kalalati» aur sab se aakhir mein Surah Baraat nazil hui .