.

«hurumun» , «haraamun» ki jama hai (yani ihram bandhe huay ho) . «fabi-ma naqdihim» , «meesaaqahum» se yeh murad hai ke Allah ne jo hukm un ko diya tha ke Bayt al-Muqaddas mein dakhil ho jao woh nahi baja laye . «taboo'a bi-ismi» yani tu mera gunah utha le ga . «da'iratun» ke maani zamana ki gardish . Aur doosre logon ne kaha «ighra'un» ka maani musallat karna , daal dena . «ujoora-hunna» yani un ke mahr . «al-muhayminu» ka maani amanatdar (nigahban) Quran goya agli aasmani kitabon ka muhafiz hai . Sufyan Sawri ne kaha saare Quran mein is se zyada koi aayat mujh par sakht nahi hai woh aayat yeh hai «lastum ala shay'in hatta tuqeemu-ttaurata wal injeela» al-kh (kyunke is aayat mein yeh hai ke jab tak koi Allah ki kitab ke muwafiq sab hukm-on par mazbooti se amal na kare , is waqt tak is ka deen o iman laiyq e itibar nahi hai) . «makhmasatun» ke maani bhook . «man ahyaaha» yani jis ne nahaq aadmi ka khoon karna haram samjha goya sab aadmi is ki wajah se zinda rahe . «shir-atun wa minhajun» se rasta aur tariqa murad hai .

Ibn Abbas razi Allahu anhuma ne kaha ke «makhmasatun» se bhook murad hai .

Mujh se Muhammad bin Bashar ne byaan kiya , kaha hum se Abdur Rahman bin Mahdi ne , kaha hum se Sufyan Sawri ne byaan kiya , un se Qays bin Aslam ne aur un se Tariq bin Shihab ne ke Yahudiyon ne Umar razi Allahu anhu se kaha ke Aap log ek aaisi aayat ki tilawat karte hain ke agar hamare yahan woh nazil hui hoti to hum (jis din woh nazil hui hoti) is din eid manaya karte . Umar razi Allahu anhu ne kaha , main khoob achhi tarah jaanta hoon ke yeh aayat «alyawma akmaltu lakum deenakum» kahan aur kab nazil hui thi aur jab Arafat ke din nazil hui to Nabi Karim salla Allahu alaihi wasallam kahan tashreef rakhte thay . Allah ki qasam! Hum is waqt maidan e Arafat mein thay . Sufyan Sawri ne kaha ke mujhe shak hai ke woh Juma ka din tha ya aur koi doosra din .