Ibn Abbas razi Allahu anhuma ne farmaya ke «arkasahum» bamaani «baddadahum» hai . «fiatun» yani jama'at .

Mujh se Muhammad bin Bashar ne byaan kiya , kaha hum se Ghundar aur Abdur Rahman ne byaan kiya , kaha ke hum se Shubah ne byaan kiya , un se Adi ne , un se Abdullah bin Yazid ne aur un se Zayd bin Sabit razi Allahu anhu ne aayat «fa ma lakum fil munafiqeena fi'ataini» ”aur tumhein kya ho gaya hai ke tum munafiqeen ke baare mein do fareeq ho gaye ho .“ Ke baare mein farmaya ke kuch log munafiqeen jo (oopar se) Nabi Karim salla Allahu alaihi wasallam ke saath thay , Jang e Uhud mein (Aap chhor kar) wapas chale aaye to un ke baare mein Musalmanon ki do jama'atein ho gayin . Ek jama'at to yeh kehti thi ke (ya Rasool Allah!) in (munafiqeen) se qital kijiye aur ek jama'at yeh kehti thi ke un se qital na kijiye . Is par yeh aayat utri «fa ma lakum fil munafiqeena fi'ataini» ke ”tumhein kya ho gaya hai ke tum munafiqeen ke baare mein do giroh ho gaye ho .“ Aur Nabi Karim salla Allahu alaihi wasallam ne farmaya ke yeh Madinah «ttaybatun» hai . Yeh khabasat ko is tarah door kar deta hai jaise aag chaandi ki mail kachail ko door kar deti hai .