Hum se Yusuf bin Isa ne bayan kiya , kaha hum se Ibn Fudail ne apne walid ke wastay se , unhon ne Abu Hazim se , unhon ne Abu Hurairah raziyallahu anhu se ke aap ne farmaya ke mein ne satar Ashab e Suffa ko dekha ke un mein koi aisa na tha jis ke pas chadar ho . Faqat tehband hota , ya raat ko odhne ka kapra jinhein yeh log apni gardanon se bandh lete . Yeh kapre kisi ke aadhi pandli tak aate aur kisi ke takhno tak . Yeh hazrat un kapron ko is khayal se ke kahin sharmgah na khul jaye apne hathoon se seemte rehte thay .