Hum se Muhammad bin Sinan ne bayan kiya , unhon ne kaha hum se Hushaim ne bayan kiya , unhon ne kaha hum se Abul Hukm Siyar ne bayan kiya , unhon ne kaha hum se Yazid Faqir ne , kaha hum se Jabir bin Abdullah raziyallahu anhuma ne ke Rasool Allah salla Allahu alaihi wa sallam ne farmaya . Mujhe paanch aisi cheezen ata ki gayi hain jo mujh se pehle anbiya ko nahi di gayi thin . (1) Ek mahine ki raah se mera raub daal kar meri madad ki gayi . (2) Mere liye tamam zameen mein namaz parhne aur paki hasil karne ki ijazat hai . Is liye meri ummat ke jis aadmi ki namaz ka waqt jahan bhi aa jaye usay wahi namaz parh leni chahiye . (3) Mere liye maal e ghanimat halal kiya gaya . (4) Pehle anbiya khas apni qomon ki hidayat ke liye bheje jate thay . Lekin mujhe duniya ke tamam insano ki hidayat ke liye bheja gaya hai . (5) Mujhe shafaat ata ki gayi hai .