Hum se Ishaq bin Nasr ne byaan kiya , kaha hum se Abdur Razzaq ne byaan kiya , un se Mamar ne un se Hammam ne aur unhon ne Abu Hurairah razi Allahu anhu se suna , unhon ne byaan kiya ke Rasool Allah salla Allahu alaihi wasallam ne farmaya ”Khwab mein mere paas zameen ke khazane laye gaye aur mere hathon mein sone ke do kangan rakh diye gaye . Yeh mujh par bara shaq guzra . Is ke baad mujhe wahi ki gayi ke main in mein phoonk maroon . Main ne phoonka to woh urr gaye . Main ne is ki tabeer do jhooton se li jin ke darmiyan mein , main hoon yani Sahib e Sana (Aswad Ansi) aur Sahib e Yamama (Musaylamah Kazzab) .“