Ibn Abbas razi Allahu anhuma ne byaan kiya ke phir main ne Rasool Allah salla Allahu alaihi wasallam ke is irshad ke mutalliq poocha ke ”Mera khayal to yeh hai ke tu wahi hai jo mujhe khwab mein dikhaya gaya tha .“ To Abu Hurairah razi Allahu anhu ne mujhe bataya ke Rasool Allah salla Allahu alaihi wasallam ne farmaya ke main soya hua tha , main ne apne hathon mein sone ke do kangan dekha , mujhe unhein dekh kar bara dukh hua phir khwab hi mein mujh par wahi ki gayi ke main in mein phoonk maar doon . Chunanche main ne in mein phoonka to woh urr gaye . Main ne is ki tabeer do jhooton se li jo mere baad niklein ge . Ek Aswad Ansi tha aur doosra Musaylamah Kazzab , jin har do ko Khuda ne phoonk ki tarah khatam kar diya .