Hum se Usman Bin Abi Shaiba ne bayan kiya ‘ kaha hum se Abdah Bin Sulaiman ne bayan kiya ‘ in se Hisham ne, in se in ke walid ne bayan kiya ke mein Aisha Radi Allahu Anha ke samne Hassan Bin Sabit Radi Allahu Anhu ko bura kehne laga to unhon ne kaha ke unhein bura na kaho ‘ kyunke wo Rasul Allah Sallallahu Alaihi Wasallam ki taraf se kuffar ko jawab deyte thay aur Aisha Radi Allahu Anha ne bayan kiya ke unhon ne Nabi Kareem Sallallahu Alaihi Wasallam se mushrikeen-e-Quraish ki hajo kehne ki ijazaat chahi to Aap Sallallahu Alaihi Wasallam ne farmaya ke phir mere nasab ka kya hoga? Hassan Radi Allahu Anhu ne kaha ke mein Aap ko in se is tarah alag kar loonga jaise baal gundhe hue aate se khinch liya jata hai. Aur Muhammad Bin Uqba (Imam Bukhari Rahimahullah ke sheikh) ne bayan kiya ‘ hum se Usman Bin Farqad ne bayan kiya ‘ kaha mein ne Hisham se suna ‘ unhon ne apne walid se ‘ unhon ne bayan kiya ke mein ne Hassan Bin Sabit Radi Allahu Anhu ko bura bhala kaha kyunke unhon ne bhi Aisha Radi Allahu Anha par tuhmat lagane mein bahut hissa liya tha
.