Mujh se Abdullah Bin Muhammad Musnadi ne bayan kiya ‘ kaha ke Hisham Bin Yusuf ne apni yaad se mujhe hadees likhvayi. Unhon ne bayan kiya ke humein Ma'mar ne khabar di ‘ in se Zuhri ne bayan kiya ‘ kaha ke mujh se khalifa Waleed Bin Abdul Malik ne poocha ‘ kya tum ko maloom hai ke Ali Radi Allahu Anhu bhi Aisha Radi Allahu Anha par tuhmat lagane walon mein thay? Mein ne kaha ke nahi ‘ albatta tumhari qaum (Quraish) ke do aadmiyon Abu Salama Bin Abdur Rahman aur Abu Bakr Bin Abdur Rahman Bin Harith ne mujhe khabar di ke Aisha Radi Allahu Anha ne in se kaha ke Ali Radi Allahu Anhu in ke muamle mein khamosh thay. Phir logon ne Hisham Bin Yusuf (ya Zuhri) se dubara poocha. Unhon ne yahi kaha «musliman» is mein shaq na kiya «musian» ka lafz nahi kaha aur «alaihi» ka lafz zyada kiya (yani Zuhri ne Waleed ko aur kuch jawab nahi diya aur purane nuskha mein «musliman» ka lafz tha)
.