Hum se Ibrahim Bin-ul-Munzir ne bayan kiya, kaha hum se Muhammad Bin Falih Bin Sulaiman ne bayan kiya, un se Musa Bin Uqba aur un se Ibn Shihab ne bayan kiya. Ye Rasul Allah Sallallahu Alaihi Wasallam ke ghazawat ka bayan tha. Phir unhon ne bayan kiya ke jab (Badr ke) kuffar maqtooleen kunwein mein dale jaane lage to Rasul Allah Sallallahu Alaihi Wasallam ne farmaya ”kya tum ne is cheez ko pa liya jis ka tum se tumhare Rabb ne waada kiya tha?“ Musa ne bayan kiya, un se Nafi aur un se Abdullah Bin Umar Radi Allahu Anhuma ne ke is par Nabi Kareem Sallallahu Alaihi Wasallam ke chand Sahaba ne arz kiya: Ya Rasul Allah! Aap aise logon ko aawaz de rahe hain jo mar chuke hain? Nabi Kareem Sallallahu Alaihi Wasallam ne farmaya ”jo kuch mein ne in se kaha hai ise khud tum ne bhi in se zyada behtar tariqa par nahi suna ho ga.“ Abu Abdullah (Imam Bukhari Rahimahullah) ne kaha ke Quraish (Sahaba) ke jitne log Badr mein shareek hue thay aur jin ka hissa bhi (is ghanimat mein) laga tha, in ki tadaad ikyasi thi. Urwah Bin Zubair bayan karte thay ke Zubair Radi Allahu Anhu ne kaha, mein ne (in Muhajireen ke hisse) taqseem kiye thay aur in ki tadaad sau thi aur zyada behtar ilm Allah ko hai
.