Hum se Abu-ul-Numan ne bayan kiya, kaha hum se Abu Awana ne bayan kiya, un se Abu Bishr ne aur un se Qais Bin Abi Hazim ne bayan kiya ke Abu Bakr Radi Allahu Anhu qabila Ahmas ki ek aurat se mile un ka naam Zainab Bint Muhajir tha. Aap ne dekha ke wo baat hi nahi kartein daryaft farmaya kya baat hai ye baat kyun nahi kartein? Logon ne bataya ke mukammal khamoshi ke sath hajj karne ki mannat mani hai. Abu Bakr Radi Allahu Anhu ne un se farmaya: Aji baat karo is tarah hajj karna to jahiliyat ki rasm hai, chunanche is ne baat ki aur poocha aap kaun hain? Abu Bakr Radi Allahu Anhu ne kaha ke mein Muhajireen ka ek aadmi hoon. Unhon ne poocha ke Muhajireen ke kis qabila se hain? Aap ne farmaya ke Quraish se, unhon ne poocha Quraish ke kis khandan se? Abu Bakr Radi Allahu Anhu ne is par farmaya tum bahut poochne wali aurat ho, mein Abu Bakr hoon. Is ke baad unhon ne poocha jahiliyat ke baad Allah Ta'ala ne jo humein ye deen-e-haqq ata farmaya hai is par hum (musalman) kab tak qaim reh sakein ge? Aap ne farmaya is par tumhara qiyam is waqt tak rahe ga jab tak tumhare imam hakim seedhe rahein ge. Is khatoon ne poocha imam se kya murad hai? Aap ne farmaya: Kya tumhari qaum mein sardar aur ashraf log nahi hain jo agar logon ko koi hukm dein to wo is ki itaat karein? Is ne kaha ke kyun nahi hain. Abu Bakr Radi Allahu Anhu ne kaha ke imam se yahi murad hain
.