Aur Lais Bin Saad ne kaha ke mujhe Hisham ne likha, apne walid (Urwah Bin Zubair) se aur unhon ne kaha ke hum se Asma Bint Abi Bakr Radi Allahu Anhuma ne bayan kiya ke mein ne Zaid Bin Amr Bin Nufail ko Kaabah se apni peeth lagaye hue kharay ho kar ye kehte suna, ay Quraish ke logo! Allah ki qasam mere siwa aur koi tumhare yahan deen-e-Ibrahim par nahi hai aur Zaid betiyon ko zinda nahi gaarte thay aur aise shakhs se jo apni beti ko maar dalna chahta kehte is ki jaan na le is ke tamam ikhrajat ka zimma mein leta hoon, chunanche larki ko apni parwarish mein rakh lete jab wo bari ho jati to is ke baap se kehte ab agar tum chaho to mein tumhari larki ko tumhare hawale kar sakta hoon aur agar tumhari marzi ho to mein is ke sab kaam poore kar doon ga
.