Hum se Muhammad bin Kaseer ne bayan kiya, kaha hum ko Sufyan Sawri ne khabar di, kaha hum se Jame bin Abi Rashid ne bayan kiya, kaha hum se Abu Ya'la ne bayan kiya, in se Muhammad bin Hanafiyah ne bayan kiya ke mein ne apne walid (Ali Radi Allahu Anhu) se poocha ke Rasoolullah Sallallahu Alaihi Wa Sallam ke baad sab se afzal sahabi kon hain? Unhon ne batlaya ke Abu Bakr Radi Allahu Anhu mein ne poocha phir kon hain? Unhon ne batlaya, is ke baad Umar Radi Allahu Anhu hain. Mujhe is ka andesha hua ke ab (phir mein ne poocha ke is ke baad?) keh dein gay ke Uthman Radi Allahu Anhu is liye mein ne khud kaha, is ke baad Aap hain? Yeh sun kar woh bole ke mein to sirf aam Musalmanon ki jama'at ka ek shakhs hun.