Mujh se Abdullah bin Muhammad Musnadi ne bayan kiya, unhon ne kaha hum se Yahya bin Adam ne bayan kiya, unhon ne kaha hum se Husain Jaf-ee ne bayan kiya, un se Abu Musa ne, un se Imam Hasan Basri ne aur un se Abu Bakrah Radi Allahu Anhu ne ke Nabi Kareem Sallallahu Alaihi Wa Sallam Hasan Radi Allahu Anhu ko ek din sath le kar bahar tashreef laye aur mimbar par in ko le kar charh gaye phir farmaya "Mera yeh beta sayyad hai aur umeed hai ke Allah Ta'ala is ke zariye Musalmanon ki do jama'aton mein milap kara dega."