Mujh se Amr Bin Ali Fallas ne bayan kiya, kaha hum se Ibn Fuzail ne bayan kiya, kaha hum se Ismail Bin Abi Khalid ne bayan kiya, kaha ke mein ne Abu Juhaifah (Radi Allahu Anhu) se suna. Wo bayan karte thay ke mein ne Nabi Kareem (Sallallahu Alaihi Wasallam) ko dekha hai, Hasan Bin Ali (Radi Allahu Anhuma) mein aap ki shabahat poori tarah maujood thi. Ismail Bin Abi Khalid ne kaha, mein ne Abu Juhaifah (Radi Allahu Anhu) se arz kiya ke aap Nabi Kareem (Sallallahu Alaihi Wasallam) ki sifat bayan karein. Unhon ne kaha aap safaid rang ke thay, kuch baal safaid ho gaye thay aur aap ne humein tera ontniyon ke diye jane ka hukam kiya tha. Lekin abhi hum ne un ontniyon ko apne qabza mein bhi nahi liya tha ke aap ki wafat ho gayi
.