Imam Zuhri ne apni hadees mein kaha ke «multahif mutawashih» ko kehte hain. Jo apni chadar ke ek hisse ko doosre kandhe par aur doosre hisse ko pehle kandhe par daal le aur woh donon kandhon ko (chadar se) dhaank leta hai. Umm Hani Razi Allah Anha ne farmaya ke Nabi Kareem Sallallahu Alaihi Wasallam ne ek chadar odhi aur is ke donon kinaron ko us se mukhalif taraf ke kandhe par dala.

Hum se Ubaidullah bin Musa ne bayan kiya, kaha hum se Hisham bin Urwah ne apne walid ke hawala se bayan kiya, woh Umar bin Abi Salamah se ke Nabi Kareem Sallallahu Alaihi Wasallam ne ek kapre mein namaz padhi aur Aap ne kapre ke donon kinaron ko mukhalif taraf ke kandhe par daal liya.