Mujh se Bishr Bin Muhammad ne bayan kiya unhon ne kaha hum ko Abdullah ne khabar di unhon ne kaha mujh ko Maamar aur Yunus ne khabar di un se Zuhri ne bayan kiya unhein Ubaidullah Bin Abdullah ne khabar di ke Aisha (Radi Allahu Anha) aur Ibn Abbas (Radi Allahu Anhuma) ne bayan kiya jab Rasul Allah (Sallallahu Alaihi Wasallam) par naza ki halat tari hui to Aap (Sallallahu Alaihi Wasallam) apni chadar chehra mubarak par baar baar daal lete phir jab shiddat barhti to ise hata dete thay. Aap (Sallallahu Alaihi Wasallam) ne isi halat mein farmaya tha Allah ki laanat ho Yahood-o-Nasara par ke unhon ne apne anbiya ki qabron ko sajda gah bana liya. Aap (Sallallahu Alaihi Wasallam) is ummat ko un ke kiye se darana chahte thay