Hum se Ibn Bukair ne bayan kiya kaha hum se Laith ne bayan kiya un se Yunus ne un se Ibn Shihab ne un se Abu Qatada Ansari (Radi Allahu Anhu) ke ghulam Nafay ne aur un se Abu Hurairah (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya "Tumhara is waqt kya haal hoga jab Isa Ibn Maryam tum mein utrein ge (tum namaz parh rahe ho ge) aur tumhara Imam tum hi mein se hoga." Is riwayat ki mutabiat Aqeel aur Auzai ne ki