«yubashiruki» aur «wa yubashiruki» (mazeed aur mujarrad) dono ke ek maani hain. «wajihan» ka maani shareef. Ibrahim Nakhi ne kaha «maseehun» «siddeequn» ko kehte hain. Mujahid ne kaha «kahlan» ka maani barbad. «akmahu» jo din ko dekhe par raat ko na dekhe. Ye Mujahid ka qoul hai. Auron ne kaha «akmahu» ke maani madar zad andhay ke hain

Hum se Adam Bin Abi Iyas ne bayan kiya unhon ne kaha hum se Shuba ne bayan kiya un se Amr Bin Murrah ne unhon ne kaha hum ke mein ne Murrah Hamdani se suna. Wo Abu Musa Ashari (Radi Allahu Anhu) se bayan karte thay ke Nabi Kareem (Sallallahu Alaihi Wasallam) ne farmaya "Auraton par Aisha ki fazeelat aise hai jaise tamam khanon par thareed ki. Mardon mein se to bahut se kamil ho guzre hain lekin auraton mein Maryam Bint-e-Imran aur Firaun ki biwi Asiya ke siwa aur koi kamil paida nahi hui."