Ye log hafta ke din zyada-ti karne lage. «shurra-an» yani «shuwari-un» pani par teerti hui. Aakhir-e-aayat «kunu qiradatan khasi-eena» tak

«al-zuburu» bamaani «al-kutubu» is ka wahid «zaboor» hai. «zabartu» bamaani «katabtu» mein ne likha. Aur beshak hum ne Dawood ko apne pas se fazal diya (aur hum ne kaha tha ke) ae pahar! In ke sath tasbeeh parha kar. Mujahid (Rahimahullah) ne kaha ke ( «awwibi ma-ahu») ke maani «sabbihi ma-ahu» hai. Aur parindon ko bhi hum ne un ke sath tasbeeh parhne ka hukam diya aur lohe ko un ke liye narm kar diya tha ke is se zarhein banayein. «sabighatin» ke maani «duru-in» ke hain yani zarhein. «wa qaddir fis sardi» ka maani hain. Aur banane mein ek khass andaz rakh (yani zarah ki) keelon aur halqay ke banane mein. Keelon ko itna bareek bhi na kar ke dheeli ho jayein aur na itni bari hon ke halqa toot jaye aur acche amal karo. Beshak tum jo bhi amal karo ge mein ise dekh raha hoon

Hum se Abdullah Bin Muhammad ne bayan kiya kaha hum se Abdur Razzaq ne bayan kiya unhein Maamar ne khabar di unhein Hammam ne aur unhein Abu Hurairah (Radi Allahu Anhu) ne ke Nabi Kareem (Sallallahu Alaihi Wasallam) ne farmaya "Dawood (Alaihis Salam) ke liye Quran (yani Zaboor) ki qiraat bahut aasan kar di gayi thi. Chunancha wo apni sawari par zain kasne ka hukam dete aur zain kasi jane se pehle hi poori Zaboor parh lete thay aur aap sirf apne hathon ki kamayi khate thay." Is ki riwayat Musa Bin Uqbah ne ki un se Safwan ne un se Ata Bin Yasar ne un se Abu Hurairah (Radi Allahu Anhu) ne Nabi Kareem (Sallallahu Alaihi Wasallam) se riwayat kiya hai