Hum se Qutaiba Bin Said ne bayan kiya, kaha hum se Mugheera Bin Abdur Rahman Al-Qurashi ne bayan kiya, un se Abu-ul-Zinad ne, un se Aaraj ne aur un se Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya "Ibrahim Alaihis Salam ne assi (80) saal ki umar mein basulay se khatna kiya."
.

Hum se Abu-ul-Yaman ne bayan kiya, kaha hum ko Shuaib ne khabar di, kaha hum se Abu-ul-Zinad ne bayan kiya, phir yahi hadees naql ki lekin pehli riwayat mein "qaddoom" ba-tashdeed-e-dal hai aur is mein "qadoom" ba-takhfeef-e-dal hai. Dono ke maane ek hi hain. Yaani basula (jo badhiyon ka ek mashhoor hathyar hota hai ise baswa bhi kehte hain) Shuaib ke sath is hadees ko Abdur Rahman Bin Ishaq ne bhi Abu-ul-Zinad se riwayat kiya hai aur Ajlan ne Abu Hurairah (Radi Allahu Anhu) se aur Muhammad Bin Amr ne Abu Salama se riwayat kiya hai, unhon ne Abu Hurairah (Radi Allahu Anhu) se
.