Hum se Abdullah Bin Muhammad ne bayan kiya, kaha hum se Abu Aamir Abdul Malik Aqadi ne bayan kiya un se Hammam Bin Yahya ne bayan kiya, un se Abu Jamra Nasr Bin Imran Zabai ne bayan kiya ke mein Makkah mein Ibn Abbas (Radi Allahu Anhuma) ki khidmat mein baitha karta tha. Wahan mujhe bukhaar aane laga. Ibn Abbas (Radi Allahu Anhuma) ne farmaya ke is bukhaar ko Zamzam ke pani se thanda kar, kyunke Rasul Allah (Sallallahu Alaihi Wasallam) ne farmaya ke jahannum ki bhaap ke asar se aata hai, is liye ise pani se thanda kar liya karo ya ye farmaya ke Zamzam ke pani se. Ye shak Hammam rawi ko hua hai
.