Hum se Abu-ul-Waleed ne bayan kiya, kaha hum se Shuba ne bayan kiya, un se Sulaiman Aamash ne, un se Abu Wail ne aur un se Abdullah Bin Masood (Radi Allahu Anhu) ne aur Sabit ne Anas (Radi Allahu Anhu) se bayan kiya ke Nabi Kareem (Sallallahu Alaihi Wasallam) ne farmaya "Qiyamat ke din har dagha-baaz ke liye ek jhanda hoga, in mein se ek sahab ne bayan kiya ke wo jhanda (is ke peechhe) gaad diya jaye ga aur doosre sahab ne bayan kiya ke ise Qiyamat ke din sab dekheinge, is ke zariya ise pehchana jaye ga."
.