Aur mujh se Ahmad Bin Muhammad ne bayan kiya, unhon ne kaha hum ko Abdullah Bin Mubarak ne khabar di, unhein Yunus ne khabar di, un se Zuhri ne bayan kiya, unhein Abdur Rahman Bin Abdullah Bin Kaab Bin Malik ne khabar di, unhon ne kaha ke mein ne Kaab Bin Malik (Radi Allahu Anhu) se suna aap bayan karte thay ke aisa kam ittefaq hota ke Rasul Allah (Sallallahu Alaihi Wasallam) kisi jihad ka qasad karein aur wahi maqaam bayan farma kar is ko na chhupayein. Jab aap (Sallallahu Alaihi Wasallam) Ghazwah-e-Tabook ko jaane lage to kyunke ye ghazwah bari sakht garmi mein hona tha, lamba safar tha aur janglon ko tay karna tha aur muqabla bhi bahut bari fauj se tha, is liye aap (Sallallahu Alaihi Wasallam) ne musalmanon se saaf saaf farmaya diya tha taake dushman ke muqabla ke liye poori tayyari kar lein chunancha (ghazwah ke liye) jahan aap (Sallallahu Alaihi Wasallam) ko jana tha (yani Tabook) is ka aap ne saaf elan kar diya tha
.