Hum se Ibrahim Bin Musa ne bayan kiya, kaha hum ko Abdul Wahab Saqafi ne khabar di, kaha hum se Khalid ne bayan kiya Akramah se ke Ibn Abbas (Radi Allahu Anhuma) ne un se aur (apne sahibzade) Ali Bin Abdullah se farmaya tum donon Abu Saeed Khudri (Radi Allahu Anhu) ki khidmat mein jao aur un se ahadees-e-nabwi suno. Chunancha hum hazir hue, is waqt Abu Saeed (Radi Allahu Anhu) apne (razayi) bhai ke sath bagh mein thay aur bagh ko pani de rahe thay, jab Aap ne humein dekha to (hamare paas) tashreef laye aur (chadar odh kar) got maar kar baith gaye, is ke baad bayan farmaya hum Masjid-e-Nabwi ki eintein (hijrat-e-nabwi ke baad tameer masjid ke liye) ek ek kar ke dho rahe thay lekin Ammar (Radi Allahu Anhu) do do eintein la rahe thay, itne mein Nabi Kareem (Sallallahu Alaihi Wasallam) idhar se guzre aur un ke sar se ghubar ko saaf kiya phir farmaya afsos! Ammar ko ek baghi jamaat mare gi, ye to unhein Allah ki (ataat ki) taraf dawat de raha ho ga lekin wo use Jahannam ki taraf bula rahe honge
.