Bab: Allah Taala ka (Surah Al-Ma’idah mein) ye farmana“Muslimano! Jab tum mein koi marne lage to aapas ki gawahi wasiyyat ke waqt tum mein se (yani musalmanon mein se ya azizon mein se) do mo'tabar shakhs ki honi chahiye ya agar tum safar mein ho aur wahan tum maut ki museebat mein giraftar ho jao to ghair hi yani kafir ya jin se qarabat na ho do shakhs sahi (mayyit ke warison) un dono gawahon ko Asr ki namaz ke baad tum rok lo agar tum ko (un ke sachche hone mein shubha ho) to woh Allah ki qasam khayen ke hum is gawahi ke ewaz dunya kamana nahi chahte go jis ke liye gawahi den woh apna rishta daar ho aur na hum Allah waste gawahi chhupayen ge, aisa karen to hum Allah ke qusoorwar hain, phir agar maloom ho waqai ye gawah jhoote the to doosre woh do gawah khare hon jo mayyit ke qareeb ke rishta daar hon (ya jin ko mayyit ke do qareeb ke rishta daron ne gawahi ke layiq samjha ho) woh Allah ki qasam kha kar kahen ke hamari gawahi pehle gawahon ki gawahi se zyada mo'tabar hai aur hum ne koi na-haq baat nahi kahi, aisa kiya ho to beshak hum gunahgaar hon ge. Ye tadbeer aisi hai jis se theek theek gawahi dene ki zyada umeed parti hai ya itna to zaroor ho ga ke wasi ya gawahon ko dar rahe ga aisa na ho un ke qasam khane ke baad phir warison ko qasam di jaye aur Allah se darte raho aur us ka hukm suno aur Allah nafarman logon ko (rah par) nahi lagata“.