Hum se Ali Bin Abdullah ne bayan kiya, kaha hum se Jarir Bin Abdul Hamid ne bayan kiya Aamash se, un se Abu Salih ne aur un se Abu Hurairah (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya "Teen tarah ke log aise hain ke Allah Ta'ala un se baat bhi na kare ga na in ki taraf nazar utha kar dekhe ga aur na unhein pak kare ga balkay unhein sakht dard-nak azab ho ga. Ek wo shaks jo safar mein zaroorat se zyada pani le ja raha hai aur kisi musafir ko (jise pani ki zaroorat ho) na de. Doosra wo shaks jo kisi (Khalifat-ul-Muslimeen) se baiat kare aur sirf duniya ke liye baiat kare ke jis se us ne baiat ki agar wo is ka maqsad poora kar de to ye bhi wafadari se kaam le, warna is ke sath baiat-o-ahad ke khilaf kare. Teesra wo shaks jo kisi se asar ke baad kisi saman ka bhao kare aur Allah ki qasam kha le ke ise is ka itna itna rupiya mil raha tha aur khareedar is saman ko (is ki qasam ki wajah se) le le. Halankay wo jhoota hai."
.