Aur Nabi Kareem (Sallallahu Alaihi Wasallam) ne (muddayi se) farmaya ke tum apne do gawah pesh karo warna mudda-alai-hi ki qasam par faisla ho ga. Qutaiba ne bayan kiya, un se Sufyan ne bayan kiya, un se (Kufa ke Qazi) Ibn Shubrumah ne bayan kiya ke (Madinah ke Qazi) Abu-uz-Zinad ne mujh se muddayi ki qasam ke sath sirf ek gawah ki gawahi ke (nafiz ho jane ke) bare mein guftagu ki to mein ne kaha ke Allah Ta'ala farmata hai "Wastash-hidu shaheedaini min rijalikum fa-in lam yakoona rajulaini farajulun wamra-atani mimman tarzouna minash-shuhada-i an tazilla ihdahuma fatuzakkira ihdahumal-ukhra" "Aur tum apne mardon mein se do gawah kar liya karo phir agar donon mard na hon to ek mard aur do auratein hon, jin gawahon se ke tum mutmain ho, taake agar koi ek in do mein se bhool jaye to doosri ise yaad dila de." Mein ne kaha ke agar muddayi ki qasam ke sath sirf ek gawah ki gawahi kafi hoti to phir ye farmane ki kya zaroorat thi ke agar ek bhool jaye to doosri is ko yaad dila de. Doosri aurat ke yaad dilane se faida hi kya hai
.

Hum se Abu Nuaim ne bayan kiya, kaha hum se Nafi Bin Umar ne bayan kiya, un se Ibn Abi Mulaika ne bayan kiya ke Ibn Abbas (Radi Allahu Anhuma) ne likha tha "Nabi Kareem (Sallallahu Alaihi Wasallam) ne mudda-alai-hi ke liye qasam khane ka faisla kiya tha."
.