Hum se Abu Jafar Muhammad Bin Jafar ne bayan kiya, kaha hum se Ibn Fazil ne bayan kiya, un se un ke walid ne Nafi se aur un se Ibn Umar (Radi Allahu Anhuma) ne bayan kiya ke Nabi Kareem (Sallallahu Alaihi Wasallam) Fatima (Radi Allahu Anha) ke ghar tashreef le gaye, lekin andar nahi gaye. Is ke baad Ali (Radi Allahu Anhu) ghar aaye to Fatima (Radi Allahu Anha) ne zikar kiya (ke Aap Sallallahu Alaihi Wasallam ghar mein tashreef nahi laye) Ali (Radi Allahu Anhu) ne is ka zikar jab Aap (Sallallahu Alaihi Wasallam) se kiya to Aap (Sallallahu Alaihi Wasallam) ne farmaya ke mein ne is ke darwaze par dhari dar parda latka dekha tha (is liye wapas chala aaya) Aap (Sallallahu Alaihi Wasallam) ne farmaya ke mujhe duniya (ki araish-o-zebaaish) se kya sarokaar. Ali (Radi Allahu Anhu) ne aa kar un se Aap (Sallallahu Alaihi Wasallam) ki guftagu ka zikar kiya to unhon ne kaha ke Aap mujhe jis tarah ka chahein is silsile mein hukm farmain. (Aap Sallallahu Alaihi Wasallam ko jab ye baat pahunchi to) Aap (Sallallahu Alaihi Wasallam) ne farmaya ke falan ghar mein ise bhijwa dein. Unhein is ki zaroorat hai
.