Hum se Abu Nu’aim ne riwayat ki, unhon ne kaha ke hum se Sufyan bin ’Uyainah ne ’Amr ke waasta se bayan kiya, woh Jabir bin Zaid se, woh Abdullah bin Abbas se ke Nabi-e-Kareem Sallallahu Alaihi Wasallam aur Maimunah Radhiallahu Anha ek bartan mein ghusl kar lete the. Abu Abdullah (Imam Bukhari Rahimahullah) farmaate hain ke Ibn-e-’Uyainah akheer umr mein is Hadees ko yun riwayat karte the Ibn-e-Abbas Radhiallahu Anhuma se unhon ne Maimunah Radhiallahu Anha se aur sahih wahi riwayat hai jo Abu Nu’aim ne ki hai.