Hum se Yahya Bin Bukair ne bayan kiya, kaha ke hum se Laith ne bayan kiya, un se Aqeel ne, un se Ibn Shihab ne, unhein Salim ne khabar di, aur unhein Abdullah Bin Umar (Radi Allahu Anhuma) ne farmaya ke Rasul Allah (Sallallahu Alaihi Wasallam) ne farmaya ek Musalman doosre Musalman ka bhai hai, pas us par zulm na kare aur na zulm hone day. Jo shakhs apne bhai ki zaroorat poori kare, Allah Ta'ala is ki zaroorat poori karega. Jo shakhs kisi Musalman ki ek musibat ko door kare, Allah Ta'ala is ki Qiyamat ki musibaton mein se ek badi musibat ko door farmaye ga. Aur jo shakhs kisi Musalman ke aib ko chhupaye Allah Ta'ala Qiyamat mein is ke aib chhupaye ga
.