Aur Yahya Bin Saeed Qattan ne bayan kiya, ke hum se Sufyan Sawri ne bayan kiya, kaha mujh se Mansoor ne bayan kiya, aur Zaidah Bin Qudamah ne bhi Mansoor se bayan kiya, aur un se Talha ne, kaha ke hum se Anas (Radi Allahu Anhu) ne hadees bayan ki (doosri sanad) aur hum se Muhammad Bin Muqatil ne bayan kiya, unhein Abdullah Bin Mubarak ne khabar di, unhein Maamar ne, unhein Hammam Bin Munabbah ne aur unhein Abu Hurairah (Radi Allahu Anhu) ne ke Nabi Kareem (Sallallahu Alaihi Wasallam) ne farmaya mein apne ghar jata hoon, wahan mujhe mere bister par khajoor pari hui milti hai. Mein ise khane ke liye utha leta hoon. Lekin phir ye darr hota hai ke kahin sadaqah ki khajoor na ho. To mein ise phenk deta hoon
.