Aur Anas (Radi Allahu Anhu) ne kaha ke Nabi Kareem (Sallallahu Alaihi Wasallam) ne khajoor ke darakhton ke mutalliq hukum diya aur wo kaat diye gaye
.

Hum se Musa Bin Ismail ne bayan kiya, ke hum se Juwairiyah ne bayan kiya, un se Nafi ne, aur un se Abdullah Bin Umar (Radi Allahu Anhuma) ne bayan kiya ke Nabi Kareem (Sallallahu Alaihi Wasallam) ne Bani Nadheer ke khajooron ke bagh jala diye aur kaat diye. In hi ke baghat ka naam Buairah tha. Aur Hassan (Radi Allahu Anhu) ka ye sher isi ke mutalliq hai. Bani Luwayi (Quraish) ke sardaron par (ghalba ko) Buairah ki aag ne aasan bana diya jo har taraf phailti hi ja rahi thi
.