Hum se Ishaq Bin Rahwayh ne bayan kiya, un se Yahya Bin Salih ne bayan kiya, un se Muawiyah Bin Salam ne bayan kiya, un se Yahya Bin Abi Kaseer ne bayan kiya, ke mein ne Uqbah Bin Abdul Ghafir se suna aur unhon ne Abu Saeed Khudri (Radi Allahu Anhu) se, unhon ne bayan kiya ke Bilal (Radi Allahu Anhu) Nabi Kareem (Sallallahu Alaihi Wasallam) ki khidmat mein Barni khajoor (khajoor ki ek umdah qism) lay kar aaye. Nabi Kareem (Sallallahu Alaihi Wasallam) ne farmaya ye kahan se laye ho ? Unhon ne kaha humare paas kharab khajoor thi, is ke do saa is ke ek saa ke badle mein day kar hum ise laye hain. Taake hum ye Aap ko khilayein Aap (Sallallahu Alaihi Wasallam) ne farmaya tauba tauba ye to sood hai bilkul sood. Aisa na kiya kar albatta (acchi khajoor) khareedne ka irada ho to (kharab) khajoor bech kar (is ki qeemat se) umdah khareda kar
.