Aur Abuz Zanad ne bayan kiya, un se Muhammad Bin Hamza Bin Amr Al-Aslami ne aur un se un ke walid (Hamza) ne ke Umar (Radi Allahu Anhu) ne (apne ahad-e-khilafat mein) unhein Zakat wasool karne ke liye bheja. (Jahan wo Zakat wasool kar rahe thay wahan ke) ek shakhs ne apni biwi ki bandi se hum-bistari kar li. Hamza ne is ki ek shakhs se pehle zamant li, yahan tak ke wo Umar (Radi Allahu Anhu) ki khidmat mein hazir hue. Umar (Radi Allahu Anhu) ne is shakhs ko so koron ki saza di thi. Is aadmi ne jo jurm us par laga tha is ko qabool kiya tha lekin jahalat ka uzar kiya tha. Umar (Radi Allahu Anhu) ne is ko mazoor rakkha tha aur Jarir aur Ashath ne Abdullah Bin Masood se murtadon ke baare mein kaha ke un se tauba karaiye aur un ki zamant talab kijiye (ke dobara murtad na honge) chunanche unhon ne tauba kar li aur zamant khud unhein ke qabeela walon ne day di. Hammad ne kaha jis ka hazir zaamin ho agar wo mar jaye to zaamin par kuch tawan na hoga. Lekin Hakam ne kaha ke zimma ka maal dena parega
.