Hum se Ali Bin Madini ne bayan kiya, kaha ke hum se Sufyan ne bayan kiya ke Amr Bin Dinar un se bayan karte thay, aur un se Zuhri ne, un se Malik Bin Aus ne, ke unhon ne poocha ke aap logon mein se koi bai-e-sarf (yaani dinar, dirham, ashrafi waghera badalne ka kaam) karta hai. Talha ne kaha ke mein karta hoon, lekin is waqt kar sakoon ga jab ke hamara khazanchi Ghaba se aa jaye ga. Sufyan ne bayan kiya ke Zuhri se hum ne isi tarah hadees yaad ki thi. Is mein koi ziyati nahi thi. Phir unhon ne kaha ke mujhe Malik Bin Aus ne khabar di ke unhon ne Umar Bin Khattab (Radi Allahu Anhu) se suna. Wo Rasul Allah (Sallallahu Alaihi Wasallam) se naqal karte thay ke Aap (Sallallahu Alaihi Wasallam) ne farmaya, sona sone ke badle mein (khareedna) sood mein dakhil hai magar ye ke naqda naqd ho. Gehun, gehun ke badle mein (khareedna bechna) sood mein dakhil hai magar ye ke naqda naqd ho, khajoor, khajoor ke badle mein sood hai magar ye ke naqda naqd ho aur jau, jau ke badle mein sood hai magar ye ke naqda naqd ho
.