Hum se Musa Bin Ismail ne bayan kiya, kaha ke hum se Wuhaib ne bayan kiya, un se Ibn Taous ne, un se un ke baap ne, un se Ibn Abbas (Radi Allahu Anhuma) ne ke Nabi Kareem (Sallallahu Alaihi Wasallam) ne ghalla par poori tarah qabza se pehle usay bechne se mana farmaya. Taous ne kaha ke mein ne Ibn Abbas (Radi Allahu Anhuma) se poocha ke aisa kyun hai ? to unhon ne farmaya ke ye to rupaye ka rupayon ke badle bechna hua jab ke abhi ghalla to miyad hi par diya jaye ga. Abu Abdullah (Imam Bukhari Rahimahullah) ne kaha ke «murji-oona» se murad «mu'akh-kharoona» yaani mu'akh-khar karna hai
.