Hum se Muslim Bin Ibrahim ne bayan kiya, kaha ke hum se Hisham ne bayan kiya, un se Qatada ne bayan kiya, un se Anas (Radi Allahu Anhu) ne (doosri sanad) aur mujh se Muhammad Bin Abdullah Bin Haushab ne bayan kiya, kaha ke hum se Asbat Abu-al-Yasa Basri ne, kaha ke hum se Hisham Dastuwai ne, unhon ne Qatada se, unhon ne Anas (Radi Allahu Anhu) se ke wo Nabi Kareem (Sallallahu Alaihi Wasallam) ki khidmat mein jau ki roti aur bad-boodar charbi (salan ke taur par) le gaye. Nabi Kareem (Sallallahu Alaihi Wasallam) ne is waqt apni zarah Madinah mein ek yahudi ke yahan girvi rakkhi thi aur is se apne ghar walon ke liye qarz liya tha. Mein ne khud aap ko ye farmate suna ke Muhammad (Sallallahu Alaihi Wasallam) ke gharane mein koi sham aisa nahi aayi jis mein un ke paas ek saa gehun ya ek saa koi ghalla maujood raha ho, halankay aap (Sallallahu Alaihi Wasallam) ki ghar waliyon ki tadad nau thi
.