Hum se Ahmad Bin Miqdam Ajli ne bayan kiya, unhon ne kaha ke hum se Muhammad Bin Abdur Rahman Tafawi ne bayan kiya, unhon ne kaha ke hum se Hisham Bin Urwah ne bayan kiya, un se un ke walid (Urwah Bin Zubair) ne aur un se Aisha (Radi Allahu Anha) ne ke kuch logon ne arz kiya ya Rasul Allah! bahut se log hamare yahan gosht late hain. Humein ye maloom nahi ke Allah ka naam unhon ne zibah ke waqt liya tha ya nahi ? Is par Rasul Allah (Sallallahu Alaihi Wasallam) ne farmaya ke tum Bismillah parh ke usay kha liya karo
.