Hum se Salt Bin Muhammad ne bayan kiya, unhon ne kaha hum se Mahdi ne bayan kiya, unhon ne kaha ke hum se Ghailan ne (doosri sanad) Imam Bukhari (Rahimahullah) ne kaha aur hum se Abu-al-Numan ne bayan kiya, unhon ne kaha ke hum se Mahdi Bin Maimon ne, un se Ghailan Bin Jareer ne, un se Mutarrif ne, un se Imran Bin Husain (Radi Allahu Anhuma) ne bayan kiya ke unhon ne Nabi Kareem (Sallallahu Alaihi Wasallam) se sawal kiya ya (Mutarrif ne ye kaha ke) sawal to kisi aur ne kiya tha lekin wo sun rahe thay. Nabi Kareem (Sallallahu Alaihi Wasallam) ne farmaya, ae Abu-Falan! kya tum ne is mahine ke aakhir ke roze rakkhe ? Abu Numan ne kaha ke mera khayal hai ke rawi ne kaha ke aap ki murad Ramzan se thi. Abu Abdullah (Imam Bukhari Rahimahullah) kehte hain ke Thabit ne bayan kiya, un se Mutarrif ne, un se Imran (Radi Allahu Anhu) ne aur un se Nabi Kareem (Sallallahu Alaihi Wasallam) ne (Ramzan ke aakhir ke bajaye) Shaban ke aakhir mein ka lafz bayan kiya (yehi sahi hai)
.