Hum se Adam Bin Iyas ne bayan kiya, kaha hum se Shuba ne bayan kiya, un se Muhammad Bin Abdur Rahman Ansari ne bayan kiya, kaha ke mein ne Muhammad Bin Amr Bin Hasan Bin Ali (Radi Allahu Anhu) se suna aur unhon ne Jabir Bin Abdullah (Radi Allahu Anhuma) se ke Rasul Allah (Sallallahu Alaihi Wasallam) ek safar (Ghazwa-e-Fatah) mein thay aap (Sallallahu Alaihi Wasallam) ne dekha ke ek shakhs par logon ne saya kar rakha hai, aap (Sallallahu Alaihi Wasallam) ne daryaft farmaya ke kya baat hai ? logon ne kaha ke ek roza dar hai, aap (Sallallahu Alaihi Wasallam) ne farmaya ke safar mein roza rakhna accha kaam nahi hai
.