Hum se Abdullah Bin Yusuf ne bayan kiya, kaha ke hum se Yahya Bin Hamza ne bayan kiya, un se Abu-al-Rahman Bin Yazid Bin Jabir ne bayan kiya, un se Ismail Bin Ubaidullah ne bayan kiya, aur un se Umm-ul-Darda (Radi Allahu Anha) ne bayan kiya ke Abu Darda (Radi Allahu Anhu) ne kaha hum Nabi Kareem (Sallallahu Alaihi Wasallam) ke sath ek safar kar rahe thay. Din intehai garam tha. Garmi ka ye aalam tha ke garmi ki sakhti se log apne saron ko pakar lete thay, Nabi Kareem (Sallallahu Alaihi Wasallam) aur Ibn Rawaha (Radi Allahu Anhu) ke siwa koi shakhs roze se nahi tha
.