Hum se Abdullah Bin Yusuf ne bayan kiya, unhon ne kaha humein Imam Malik ne khabar di, unhein Hisham Bin Urwah ne, unhein un ke walid Urwah Bin Zubair ne khabar di, unhein Abdullah Bin Zubair (Radi Allahu Anhuma) ne aur un se Sufyan Bin Abi Zuhair (Radi Allahu Anhu) ne bayan kiya ke mein ne Rasul Allah (Sallallahu Alaihi Wasallam) se suna ke aap ne farmaya ke Yemen fatah ho ga to log apni sawariyon ko dorate hue layein ge aur apne ghar walon ko aur un ko jo in ki baat maan jayein ge sawar kar ke Madinah se (wapas Yemen ko) le jayein ge kash! unhein maloom hota ke Madinah hi un ke liye behtar tha aur Iraq fatah ho ga to kuch log apni sawariyon ko taiz dorate hue layein ge aur apne ghar walon ko aur jo in ki baat maanein ge apne sath (Iraq wapas) le jayein ge kash! unhein maloom hota ke Madinah hi un ke liye behtar tha
.