Hum se Sa’d bin Hafs ne bayan kiya, unhon ne kaha hum se Shaibaan ne Yahya ke waaste se naql kiya, woh Ata bin Yasaar se naql karte hain, unhein Zaid bin Khalid ne khabar di ke unhon ne Uthman bin Affan Radhiallahu Anhu se poocha ke agar koi shakhs sohbat kare aur mani na nikle. Farmaaya ke Wuzu kare jis tarah Namaz ke liye Wuzu karta hai aur apne uzw ko dho le. Uthman Radhiallahu Anhu kehte hain ke (yeh) main ne Rasoolullah Sallallahu Alaihi Wasallam se suna hai. (Zaid bin Khalid kehte hain ke) phir main ne is ke baare mein ’Ali, Zubair, Talha aur Ubai bin Ka’b Radhiallahu Anhum se daryaaft kiya. Sab ne us shakhs ke baare mein yahi hukm diya.