(Note: Is baab mein hadees nahi hai)
.

Aur Ubaidullah ne kaha ke mujhe Nafi ne khabar di aur unhein Ibn Umar (Radi Allahu Anhuma) ne kaha ke ihram mein koi shikar kare aur is ka badla dena pare to badla ke janwar aur nazar ke janwar se khud kuch na khaye aur baqi sab mein se kha le aur Ata ne kaha Tamattu ki qurbani se khaye aur khilaye
.

Hum se Musaddad ne bayan kiya, kaha hum se Yahya Bin Saeed Qattan ne, un se Ibn Jurayj ne, un se Ata ne, unhon ne Jabir Bin Abdullah (Radi Allahu Anhuma) se suna, unhon ne farmaya ke hum apni qurbani ka gosht Mina ke baad teen din se zyada nahi khate thay, phir Nabi Kareem (Sallallahu Alaihi Wasallam) ne humein ijazat de di aur farmaya ke khao bhi aur tosha ke taur par sath bhi le jao, chunancha hum ne khaya aur sath bhi laye. Ibn Jurayj ne kaha ke mein ne Ata se poocha kya Jabir (Radi Allahu Anhu) ne ye bhi kaha tha ke yahan tak ke hum Madinah pohanch gaye, unhon ne kaha nahi aisa nahi farmaya
.