Hum se Muhammad Bin Kasir ne bayan kiya, kaha hum ko Sufyan Suri ne khabar di, kaha mujh ko Ibn Abi Najeeh ne khabar di, unhein Mujahid ne, unhein Abdul Rahman Bin Abi Laila ne aur un se Ali (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne mujhe (qurbani ke onton ki dekh bhaal ke liye) bheja. Is liye mein ne un ki dekh bhaal ki, phir Aap (Sallallahu Alaihi Wasallam) ne mujhe hukum diya to mein ne un ke gosht taqseem kiye, phir Aap (Sallallahu Alaihi Wasallam) ne mujhe hukum diya to mein ne un ke jhool aur chamre bhi taqseem kar diye. Sufyan ne kaha ke mujh se Abdul Kareem ne bayan kiya, un se Mujahid ne, un se Abdul Rahman Bin Abi Laila ne aur un se Ali (Radi Allahu Anhu) ne bayan kiya ke mujhe Nabi Kareem (Sallallahu Alaihi Wasallam) ne hukum diya tha ke mein qurbani ke onton ki dekh bhaal karoon aur un mein se koi cheez qasayi ki mazdoori mein na doon
.