Hum se Saeed Bin Abi Maryam ne bayan kiya, unhon ne kaha hum se Ibrahim Bin Suwaid ne bayan kiya, kaha mujh se Muttalib ke ghulam Amr Bin Abi Amr ne bayan kiya, unhein Waliyah Kufi ke ghulam Saeed Bin Jubair ne khabar di, un se Abdullah Bin Abbas (Radi Allahu Anhuma) ne bayan kiya ke Arafa ke din (maidan-e-Arafat se) wo Nabi Kareem (Sallallahu Alaihi Wasallam) ke sath aa rahe thay Nabi Kareem (Sallallahu Alaihi Wasallam) ne peeche sakht shor (ont hankne ka) aur onton ki maar dhaar ki awaz suni to Aap ne un ki taraf apne kore se ishara kiya aur farmaya ke logo! Aahistagi-o-waqar apne oopar lazim kar lo, (onton ko) taiz dourana koi naiki nahi hai. Imam Bukhari (Rahimahullah) farmate hain ke (Surah al-Baqarah mein) «Auzau» ke mani resha dawaniyan karein, «Khilalakum» ka mani tumhare beech mein, isi se (Surah al-Kahf) mein aaya hai «Wa Fajjarna Khilalahuma» yani un ke beech mein
.